D. José Manuel Yanes Ginzo, alcalde-presidente do Concello de Trabada (Lugo)

FAI SABER

Que xunto cos concellos de Alfoz, Barreiros e Lourenzá, Trabada está a organizar unha VIAXE A BOS AIRES (ARXENTINA), dirixida especialmente a veciños/as que teñan familiares naquel país, promovendo “un reencontro” cos seus seres queridos, aínda que estará aberta a calesqueira outras persoas que desexen ir.
Trataríase dunha viaxe de dez ou doce días, nos vindeiros meses de outubro ou novembro, coincidindo coa primaveira austral.
O Concello correría coa organización da viaxe (billetes de avión, reserva de hoteis para as persoas que o soliciten, organización de actos de reencontro e despedida, etc.).
A expedición estaría acompañada polo alcalde ou persoas nas que delegue, co fin de colaborar en todo aquelo que sexa oportuno.
Para evaluar todo isto necesitamos saber, aproximadamente, con qué número de persoas poderiamos contar para organizar a viaxe.
A través deste Bando faise pública esta iniciativa co obxecto de que antes de finais do mes de maio nos confirmen o seu interese en participar na viaxe e número de persoas que o farían.
Poden inscribirse persoalmente nas oficiñas do Concello ou a través dos teléfonos 982135011 e 658624156.
A principios de xuño convocaríase unha xuntanza para analizar todo polo miúdo, incluso o custo aproximado por persoa.

Trabada, a 19 de abril de 2010

Asdo.: José Manuel Yanes Ginzo