Aproveitando a xanela aberta que me ofrece esta páxina web, práceme, como Alcalde de Trabada, dirixir un agarimoso saúdo a tódolos visitantes deste concello, enclavado entre o mar e a montaña, en plena Mariña Lucense.

Ó percorrer cada recuncho do noso municipio terá ocasión de descubri-la riqueza da súa paisaxe, a hospitalidade das súas xentes e o importante legado trasmitido a través de moitas xeracións.

Dende a ría de Ribadeo, zona de especial protección para as aves e bocana de entrada dos salmóns cara ó río Eo, ata o monte Cerrochán (776 m), Trabada ofrece un fermoso entorno, dende vales profundos ata os bosques autóctonos, ós que poden acercarse a través das diferentes rutas de sendeirismo. A práctica deportiva da caza e a pesca é unha acertada opción para o afeccionado. O Camiño de Santiago, o turismo rural e a gastronomía sitúannos nun punto de destino a explorar polo visitante que se achegue á Mariña.

Trabada, terra con historia e futuro recibe ó visitante para ofrecerlle un cúmulo de experiencias que, con seguridade o engaiolarán.

Moitas grazas pola súa visita.
Un cordial saúdo.

José Manuel Yanes Ginzo.
Alcalde de Trabada