A residencia, que supón unha inversión de dous millóns de euros, empezará a construírse no próximo ano 2011.

O Concello reservou unha partida de 200.000 €, cantidade que ten que aportar, ademáis dos terreos onde será ubicado.

Da súa construción encargarase Suplusa, organismo dependente da Diputación Provincial de Lugo, que comezará coas obras durante o 2011.

Segundo o alcalde, a dotación dunha residencia para Trabada significará unha "gran noticia" xa que o padrón vai demostrando o progresivo envellecemento da poboación, e evitará o traslado de veciños a residencias doutros concellos; na actualidade hai trabadenses en residencias do Valadouro, Foz, Burela ou Ribadeo, entre outras localidades.