Concello de Trabada

O venres, 4 de setembro ás 20h teremos o I Encontro co
escritor Gonzalo Moure Trénor na Biblioteca Municipal de Trabada.
Gonzalo Moure Trénor, é un escritor dedicado á literatura xuvenil,
campo no que gañou premios tan importantes como o Gran Angular,
o Ala Delta, o Primavera ou o Barco de Vapor, entre outros.
Antes de dedicarse por completo á escritura, Moure traballou
como periodista, guionista e publicista. A súa obra é coñecida
pola atención que presta a problemas de tipo social e tamén
á relación entre pais e adolescentes. Actualmente vive en Asturias,
indo a bibliotecas, institutos e colexios para dar charlas sobre os seus libros.
Cabe constatar tamén a gran labor de cooperación que realiza,
dando a coñecer ós xóvenes a situación do Sáhara Occidental,
así como a través del Bubisher, un bibliobús que no seu primeiro
ano de vida visitou todas as aulas dos campamentos!
Esperámosvos!

A Consellería de Cultura, Educación e Ordenación Universitaria publica no DOG núm. 166 do 01/09/2015 a ORDE do 25 de agosto de 2015 pola que se convocan axudas para a adquisición de material escolar destinadas ao alumnado matriculado en educación primaria, educación secundaria obrigatoria ou educación especial en centros sostidos con fondos públicos para o curso escolar 2015/16.

O importe da axuda é de 50 €, para aquelas unidades familiares cuxa renta per cápita (isto é, a renda familiar dividida entre o número de membros) sexa igual ou inferior a 5.400 €.

O prazo de presentación de solicitudes remata o vindeiro 1 de outubro.

A Consellería de Traballo e Benestar publica no BOP núm. 157 do 19/08/2015 as subvencións para a promoción do emprego autónomo xeral, así como o orientado ás persoas mozas inscritas no Fondo de Garantía Xuvenil, que subvencionan as altas como autónomas de persoas previamente desempregadas entre o 1 de outubro de 2014 e o 30 de setembro de 2015.