Concello de Trabada

Xornadas técnicas que se celebrarán en Ribadeo, no CFEA Pedro Murias de Ribadeo:

- Unha sobre eficiencia enerxética nas explotacións de vacún de leite

- Outra sobre introdución á cubicación de madeira

Os interesados poderán realizar a inscrición no propio centro. Os prazos rematan os días de comezo das xornadas.

A Consellería de Traballo e Benestar publica no DOG núm. 179 do 18/09/2015 a ORDE do 11 de setembro de 2015 pola que se regula o procedemento de concesión de axudas económicas ás familias numerosas de Galicia para estadías de fin de semana e se procede á súa convocatoria para o ano 2015.

Esta orde ten por obxecto regular o procedemento de concesión de axudas económicas e a convocatoria, en réxime de concorrencia competitiva, para estadías de fin de semana nas estacións de montaña situadas no territorio da nosa Comunidade, destinadas ás familias numerosas que teñan a súa residencia en Galicia e cuxa renda non sexa superior a 7.500 € anuais per cápita (isto é, a renda total anual dividida entre o número de integrantes da unidade familiar).

O prazo de solicitude remata o 18 de outubro de 2015.

Trátase dun proxecto da Deputación de Lugo dirixido a emprendedores que combina accións formativas teóricas con visitas a empresas competitivas e sostibles, gratuítas.

Máis información

A Consellería de Cultura, Educación e Ordenación Universitaria publica no DOG núm. 177 do 16/09/2015 a ORDE do 3 de setembro de 2015 pola que se aproban as bases e se procede á convocatoria de axudas para a matrícula nun máster universitario oficial, destinadas a titulados/as universitarios/as en situación de desemprego, para o curso 2015/16.